Sulmuesi i Barcelonës, Luis Suarez, pranon se nuk do të ishte e çuditshme nëse katalanasit vendosin të nënshkruajnë me një sulmues tjetër.
Sulmuesi, uruguajan, tani 32 vjeç, është në sezonin e tij të gjashtë me Barcelonën, pas transferimit nga Liverpool në vitin 2014. Ai ka dëshmuar rregullisht vlerën që ka , duke shënuar më shumë se 20 gola në çdo sezon, në të gjitha kompeticionet.
Ndërsa ka dëgjuar zërat për mundësinë e Barcës, për të nënshkruar me një sulmues tjetër, Luis Suarez deklaron:
“Kërkesat te Barcelona janë të mëdha. Çdo tri ditë duhet të jepni një provë, nuk ke pushim dhe nuk të falet ndeshjet e këqija. Nuk është e lehtë të luash në një klub si Barcelona”.
“Më duhet t’ju them se kam kaluar pesë vite në këtë klub, që merrem me këtë presion dhe gjithmonë jam përgjigjur në mënyrën e duhur. Nëse klubi është në kërkim, ose dëshiron të sjellë një numër tjetër “9”, nuk do të ishte e çuditshme. Ky është realiteti i futbollit”.
