Këngëtari 40 vjeçar i ‘Libertines’ u ndalua pas një sherri me një tjetër burrë të dehur, i cili e paditi për dhunë. Lajmi bëhet i ditur nga vetë avokati i këngëtarit.
“Doherty doli të pijë një gotë, por nuk e mban dot alkoolin për shkak të kurës së dizintoksikimit të cilën po ndjek prej një muaji”, shton përfaqësuesi ligjor. Vetëm një ditë më parë kishte dalë nga burgu.
Këngëtari britanik është në fillimin e një turneu të gjatë në Europë dhe është shumë i impenjuar në ndjekjen e një kure për të mos rënë sërish në kurthin e varësive të tij të shumta. Ish-partneri i modeles Kate Moss, Doherty ka qenë shpesh herë protagonist i kronikave për ekzagjerimet e sjelljes së tij.
Në vitin 2012 e përzunë nga një qendër dizintoksikimi luksoze në Tailandë, për mungesën e vullnetit dhe vendosmërisë në luftën kundër varësisë nga heroina.
