Hysaj: Jemi grup i bashkuar, ja si duhet të luajmë ndaj Andorrës

Në konferencën për shtyp para ndeshjes së nesërme kundër Andorrës, përkrah Edi Rejas ka qenë dhe mbrojtësi, Elseid Hysaj.

Mbrojtësi shkodran i cili sapo ka lënë pas dëmtimin, në fjalën e tij ka deklaruar:

“Janë të gjithë djem të rinj dhe po krijojmë një grup të mirë , së bashku me trajnerin. Unë ndihem mirë pas dëmtimit, sepse kam luajtur në ndeshjen e fundit me Napolin”.

“Si fillim po mendojmë për Andorrën, pasi është ndeshja e parë për ne në këtë muaj, pastaj vjen Franca.  Natyrisht ndeshja e dytë është më e vështirë. Megjithatë, ndaj Francës do të kemi një stadium të mbushur plot, do të jemi më afër me tifozët”.

“Para së gjithash duhet të fitojmë me Andorrën, që të shkojmë me psikologjinë e duhur ndaj kampionëve të botës. Synimi është që të grumbullojmë sa më shumë pikë në këto eliminatore dhe të vendosim rekord në këtë drejtim. Franca dihet se cila është, do ta kemi shumë të vështirë”.

Qasja taktike ndaj Andorrës? “Besojmë se do të luajmë si me Moldavinë. Duhet të sulmojmë dhe të përpiqemi të mos pësojmë gol, dhe ajo çfarë është më e rëndësishmja është të qëndrojmë të qetë nëse rezultati nuk zhbllokohet shpejt”.

LEXO EDHE  Vanessa Bryant proteston kundër racizmit me foton e Kobe-t