Të paktën 9 persona, 6 prejk të cilëve banorë të Unazës së Re dhe 3 efektivë policie, kanë mbetur të plagosur si rezultat i përplasjeve që ndodhën mëngjesin e sotëm në zonën e Astirit.
Përplasja ka nisur rreth orës 05:00, atëherë kur qindra forca policore, përfshi edhe ato të FNSH-së, kanë rrethuar zonën e Astirit, atje ku pritet të ndërhyjnë fadromat e IKMT dhe IKT për shembjen e ndërtimeve, banesa dhe biznese të banorëve që protestojnë prej më shumë se 1 viti.
Të plagosurit janë transportur drejt spitalit të Traumës.
Policia ka përdorur gazin lotsjellës kundër banorëve, të cilët kanë hedhur gurë ndaj efektivëve.
Policia ka përdorur forcën edhe ndaj grave që ishin pjesëmarrëse në qëndresën e tyre
Policia ka blinduar zonën dhe ka bllokuar qarkullimin nga ish-sheshi “Shqiponja” deri te “Palati me shigjeta”, ndërsa nuk janë lejuar as mediat të filmojnë.
