Presidenti Ilir Meta ka regauar pas përplasjeve të banorëve të Astirit me efektivët e policisë. Meta shkruan se është e papranueshme dhuna që është ushtruar ndaj banorëve dhe se është një tregues arrogance ajo që po u shkaktohet këtyre familjeve për muaj të tërë, nga ana e instancave shtetërore.
“E papranueshme dhuna e përsëritur sot ndaj banorëve të Unazës së Re, të cilët protestojnë në mbrojtje të shtëpive dhe të pronave të tyre. Arroganca përballë mjerimit dhe traumës që po u shkaktohet këtyre familjeve për muaj të tërë është e patolerueshme.
Banorët të ruajnë qetësinë dhe të mos bien pre e provokimeve dhe palët të ulen menjëherë në dialog. U uroj shërim të shpejtë të gjithë të plagosurve”, shprehet Meta.
Në një kohë që Presidenti javë më parë, kur diskutohej çështja e zgjedhjeve, shfaqej në orën 05:00 në oborrin e Presidencës dhe jepte show se ishte i gatshëm të takohej me Ramën, sot ka preferuar të shfaqet në rrjetet sociale, disa orë me vonesë, nga koha kur banda e policisë kishte ushtruar dhunë e terror ndaj banorëve të Unazës së Re.
Pavarësisht se ndodhet jashtë vendit, askush nuk e ndalonte Kreun e Shtetit që minimalisht të urdhëronte stafin e tij në Presidencë, që të shkonin atje ku policët e Lleshit të Ramës terrorizionin çdo qytetar.
Ndoshta Presidenti vijon me formulën “me qetësi e dashuri”, por përballë bandës së veshur me pushtet, ky togfjalësh nuk ka më vlerë.
