Chiellini: “Kam qenë një fans i Milanit, pastaj…”

Giorgio Chiellini duke folur në mbledhjen që u zhvillua në Allians Stadium me të rinjtë e Juventusit, i është përgjigjur disa pyetjeve në lidhje me karrierën e tij.

Chiellini, ka deklaruar se ai në të shkuarën mbështeste  Milanin dhe kishte idhull Paulo Maldinin, por me kalimin e kohës “ u bë më i zgjuar”, duke anuar te Juventusi.

“Isha një fans i Milanit, por teksa rritesha u bëra më i zgjuar. Maldini ishte lojtari im i preferuar”.

“Kam një vëlla binjak, ai ishte fans i Juventusit dhe unë duhej të isha në kundërshtim me të dhe zgjodha Milanin. A mund ta imagjinoni sa i lumtur ishte ai, kur Juventus më bleu kur isha 20 vjeç?

“Kur erdha në skuadër, menjëherë rashë në dashuri me klubin , dhe tani është e vështirë të gjesh një fans më të madh të Juventusit në këtë planet sesa mua”.

Një mjeshtër në artin e mbrojtjes, Chiellini tregoi disa nga sekretet e tij për të rinjtë.

LEXO EDHE  "17 metra në ajër", Aksidenti i mori jetën tifozit të vogël të ‘Partizanit’, prindërit rrëfejnë tmerrin: Si po manipulohet ngjarja

Duhet të gjesh kënaqësinë për të ndaluar një veprim të kundërshtarëve. Emocionin që të tjerët gjejnë në shënimin e golit, ju duhet ta ndjeni kur bllokoni një veprim të sulmuesit”.

“Nëse i gjeni ato emocione, do të bëheni mbrojtës të mëdhenj”. – shtoi mbrojtësi italian.