Australia është përfshirë nga zjarri ndërsa prej ditësh digjen me mijëra hektarë pyje. 80 vatra zjarri janë ende jashtë kontrollit, si pasojë e të cilave kanë humbur jetën 4 persona, 150 shtëpi janë djegur dhe rrezikohen edhe 100 të tjera.
Flakët janë ndihmuar edhe nga erërat e forta që arrijnë shpejtësinë deri 170 km/orë. Për momentin rreth 600 shkolla janë mbyllur dhe në shumë parqe kombëtare është ndaluar hyrja e njerëzve.
Policia dhe forcat e armatosura po ndihmojnë departamentin e zjarrfikësve me logjistikë dhe më shumë se 100 çisterna po punojnë për të provuar të shuajnë flakët.
California gjithashtu ka dërguar edhe aeroplanë në zonat e prekura.
Autoritetet shprehen se katastrofa është e paparë dhe u kanë bërë thirrje banorëve të sigurojnë veten.
