Shtatë qytetarë po marrin mjekim te Spitali i Traumës në kryeqytet, pasi janë plagosur për shkak të dhunës që ka ushtruar ndaj tyre policia.
Ish-deputetet e PD-së, Albana Vokshi dhe Dhurata Cupi kanë vizituar të lënduarit në spital, duke zbardhur edhe emrat e të lënduarve.
Mes tyre ka dhe qytetarë të moshuar dhe gra. Të plagosurit janë: Mahmut Imallari, 57 vjeç, Isuf Gjata 80 vjeç, Artyur Nuja 43 vjeç, Gentian Alla 36 vjeç, Adelina Shehu 46 vjeçe dhe Dhurata Shehu 69 vjeçe.
“Ka nga ato të cilët ju ka dalë kavilja. Ka pleq të cilët u janë thyer dhëmbët, apo kanë dëmtime të tjera. Janë të gjakosur për shkak të dhunës që ka ushtruar Policia ndaj banorëve që po mbronin në fund të fundit banesat e tyre. Ka disa zonja që kanë djegie për shkak të gazit që është përdorur mbi to. Zonjat s’munda ti takoja dhe askush s’na jep informacion se ku gjenden, ku janë duke u vizituar se kanë pasur djegie, mesa u informova të gradës së lartë, Mund t’iu konfirmoj se ka dhjetëra të arrestuar, midis tyre edhe gra edhe vajza, të cilat janë dhunuar në mënyrë çnjerëzore nga policia dhe ashtu të plagosura të dhunuara, janë arrestuar. S’dihet në cilin komisariat mbahen”, tha Albana Vokshi në një deklaratë për gazetarët jashtë spitalit.
https://www.facebook.com/partiademokratike/videos/2546856445547149/
