Gjatë mesnatës së djeshme, është regjistruar një aksident automobilistik i rëndë në Elbasan, ku për pasojë dy persona kanë mbetur të plagosur.
Bëhet me dije se të plagosur kanë mbetur shoferi si dhe një 20-vjeçare, e cila ishte pasagjere në mjet.
Ngjarja ndodhi në rrugën e Krastës në periferi të qytetit të Elbasanit.
Raportohet se Elda Samurri ndodhet në gjendje të rëndë për jetën, e cila është transportuar me urgjencë për në spitalin e Traumës në kryeqytet.
Deri më tani nuk dihen rrethanat se si ka ndodhur ngjarja në fjalë, ndërsa policia po heton për zbardhjen e shkaqeve.
