Stadiumi i ri “Arena Kombëtare” do të quhet “Air Albania”. Lidhur me emrin e ri, që më parë quhej “Qemal Stafa”, ka reaguar edhe nënkryetari i LSI-së, Petrit Vasili.
Në një postim në rrjet, Vasili shkruan se Edi Rama zhduku emrin e Qemal Stafës dhe e zëvendësoi me një kompani vulëhumbur.
“Mirë emrin e Qemal Stafës e zhduku Edi Rama, por edhe zëvendësimin me një kompani vulëhumbur po e bën.
Ruajna zot nga kusarët dhe rrenjëdalet!”, shkruan Vasili në rrjet.
Sipas raportimeve, emri i stadiumit është vendosur i njëjtë me emrin e kompanisë ajrore të çelur pak muaj më parë, “Air Albania”, pasi kjo e fundit ka rënë dakort t’i paguajë FSHF-së 650 mijë euro në vit.