Olsi Teqja ishte protagonist në ndeshjen e sotme, ku shkaktoi dhe penalltinë e cila vendosi ndeshjen.
Ndërsa në intervistën e dhënë për emision “Gol pas Gol”, në “Supersport”, deklaroi se nuk kishte prekur topin me dorë dhe se arbitrat kanë gabuar shpesh kundër verilindorëve.
Në lidhje me prekjen e topit me dorë ai deklaroi:
Më vjen shumë keq për atë episode, që vendosi edhe takimin, por mund të them me bindje, që nuk ishte penallti. Jam i sinqertë dhe nuk pati prekje me dorë.
Ndërsa në fund të intervistës ai hodhi akuza për gabimet që janë bërë ndaj skuadrës së tij duke thënë:
Në fakt janë bërë disa gabime ndaj nesh, që në fund të ndeshjes kanë rezultuar vendimtare dhe na kanë kushtuar pikë, që mund të na renditnin më lart. Nuk dua të flas më shumë për arbitrimin, pasi e kam bërë njëherë dhe jam ndëshkuar nga organet e Disiplinës. Presidenti ynë është shumë i fuqishëm dhe mendoj që duhet të reagojë edhe ai tani. Dua të theksoj që po të ishin zgjedhur drejt këto 3-4 episode, do të kishim 3-4 pikë më tepër në renditje.
