Kryetarja e Lëvizjes Socialiste për Integrim, Monika Kryemadhi, po zhvillon një vizitë në Shtetet e Bashkuara të Amerikës.
Kryetarja e LSI, Monika Kryemadhi shoqërohet nga nënkryetarja, Kejdi Mehmetaj, Eriol Braimllari dhe Elona Guri.
Gjatë qëndrimit të saj ajo u ndal në Miçigan ku zhvilloi disa takime me komunitetin shqiptar atje.
Të dielën, Kryemadhi do të marrë pjesë në meshën që do të zhvillohet në kishën ‘Zoja Pajtore, Our Lady of Albanians’ në Southfield. Gjithashtu në orën 12.00, ajo do të vizitojë kishën e ‘Shën Palit’, Saint Paul’s Albanian Catholic Church në Rochester Hills, ku do të zhvillojë takime dhe me të pranishmit në meshë.
Takimet e zonjës Kryemadhi me shqiptarët në Michigan janë organizuar nga ish-ministri i Brendshëm kolonel Dritan Demiraj.
