Natalia Grace Barnett vuan nga një lloj nanizmi i quajtur spondyloepiphyseal.
Ajo u adoptua në 2010-n nga një çift në Indiana, që tani janë divorcuar, të cilët e braktisën pesë vite më parë. Ata e lanë vetëm në një apartament dhe u shpërngulën në Kanada.
Michael Barnett, 43 vjeç dhe gruaja e tij asokohe, Kristine, 45 vjeçe, thonë se i kishin lënë të besonin se po adoptonin një fëmijë tetë vjeçar, por kuptuan që Natalia është “sociopate” dhe “mashtruese” që shtiret si fëmijë.
Në 2012-n, ata i ndryshuan moshën dhe e deklaruan ligjërisht 22 vjeçe dhe besojnë se tani duhet të jetë në të tridhjetat.
Natalia këmbëngul se është 16 vjeçe dhe tha: “Dua që njerëzit të dëgjojnë anën time të historisë.”
Të enjten, ajo dha një intervistë për Dr. Phil ku theksoi se është adoleshente dhe është shokuar nga aludimet e çiftit që e adoptoi nëntë vite më parë.
“Thonë që i ke mashtruar. Që i ke gënjyer për moshën dhe që erdhe këtu për t’i terrorizuar,” i thotë Dr. Phil, i cili më pas e pyeti në është një “fëmijë i ligë, psikopat dhe djallëzor.”
“Nuk është aspak e vërtetë,” u përgjigj ajo, me lot në faqe. “Jam 16 vjeçe. Erdha në Shtetet e Bashkuara kur isha gjashtë.”
Natalia thotë se jetoi me “të paktën 30 familje” kur erdhi në Sh.B.A. nga Amerika deri kur gjeti Barnett-ët, me të cilët ndihej e sigurt.
Michael Barnett tha se ai dhe ish-gruaja e tij patën dyshime për Natalian që natën e parë, kur po i bënin një banjë, vunë re se ajo kishte qime pubike. Më vonë, mësuan se ajo u fshihte ciklin menstrual.
Michael thotë se vajza e birësuar ishte e dhunshme dhe e frikshme – aludon se e shtyu gruan e tij drejt një gardhi elektrik për ta lënduar.
Kristine Barnett e konfrontoi Natalian pasi e kapi duke hedhur detergjent në kafen e saj. “Po përpiqem të të vras,” aludojnë ata të ketë thënë vajza.
“Natalia vendoste pineska të tejdukshme nëpër shkallë me majë sipër që kur të ngjiteshim, t’i shkelnim dhe të vriteshim,” tha Barnett.
Në një tjetër emision, Dr. Oz, Michael Barnett tha se e kishte çuar Natalian për një vlerësim psikologjik.
“Në qendër, ajo dokumentonte, u thoshte mjekëve, terapistëve, shkruante në fletore: ‘Jo vetëm që do të vras Kristine, por do të vras dhe vëllezërit. Ja si do ta bëj. Ja çfarë do të bëj me trupat e tyre.”
Ai aludon se mjekët ranë dakord me të për sa i përket maturisë së Natalias.
Familja Barnett vendosi të shpërngulej në Kanada, bashkë me tre fëmijët e tyre biologjikë.
“E sistemuam në një apartament pranë qytetit. I paguam qiranë e tre muajve; i dhamë stampa ushqimi, e regjistruam për asistencë financiare. E kontrollonim disa herë në javë. Ishte shumë mirë,” tha ai për Dr. Oz.
Sidoqoftë, Natalia thotë se e kanë braktisur.
Në vitin 2016, ajo u adoptua nga Antwon dhe Cynthia Mans, që besojnë se kanë të bëjnë me një fëmijë. Ata insistojnë se Natalia s’kishte nisur ende të menstruonte.
Thanë që Natalia s’është sjellë asnjëherë në mënyrë shqetësuese dhe se me shumë mundësi, Barnett-ët nuk përballonin dot operacionet e shumta për të cilat kishte nevojë ajo.
Ata akuzohen për neglizhencë, që është krim. Gjyqi nis në janar.
“Dua t’i japin fund kësaj farse,” tha Natalia.
“Dua që të marrë fund. Dua që të vazhdojnë të jetojnë normalisht kur gjithë kjo të përfundojë dhe të kenë shlyer krimin e tyre. Duhet të tregohen të përgjegjshëm, të marrin dënimin dhe të kërkojnë faljen e Zotit.”
