Andi Maloku, 24 vjeç, i cili ishte shofer në automjetin e prokurorit Arjan Ndoj, ndaj të cilit më 1 nëntor u bë një atentat mafioz, humbi jetën ditën e djeshme, 1 javë pas ngjarjes së rëndë. Maloku mbeti i plagosur në atentat, bashkë me prokurorin Ndoj dhe Aleksandër Lahon (Rrumi), ndërsa ndaj automjetit të tyre u qëllua me breshëri.
Maloku u transportua drejt spitalit të Traumës, në gjendje të rëndë shëndetësore. Ai kishte marrë plumba në afërsi të shtyllës kurrizore dhe mushkëri.
Ndërsa dje doli nga reanimacioni, disa orë më pas, gjendja e tij nisi të përkeqësohej. Dyshimet janë se 24-vjeçari ka pësuar tromboemboli të mushkrisë.
Videt e mëposhtme tregojnë momentet e para të reagimit të familjarëve, që marrin vesh lajmin e hidhur.
