Një ngjarje e rëndë kriminale është parandaluar në Valias/Kamëz. Sipas informacioneve paraprake, në prangat e policisë ka përfunduar një 61-vjeçar i cili kërcënoi për shkak të detyrës punonjësit e Bashkisë Kamëz.
R.S., 61 vjeç, banues në Valias i ri, në Kamëz, është konfliktuar për shkak të detyrës me punonjësit e Bashkisë, të cilët po kryenin punime në një tokë në kufi me tokën e tij dhe gjatë momentit që 61- vjeçari po futej në banesë, i ka kërcënuar me jetë punonjësit e Bashkisë Kamëz.
Në cilësinë e provës materiale u sekuestruan një armë zjarri pushkë dhe fishekë luftarakë.
Në përfundim të veprimeve të para hetimore u bë arrestimi në flagrancë i shtetasit R. S., për veprën penale “Mbajtja pa leje e armëve luftarake dhe e municionit”.
Njoftimi i Policisë
Kamëz
Finalizohet operacioni policor i koduar “Valiasi”.
Falë ndërhyrjes së shërbimeve të patrullës të përgjithshme të Komisariatit të Policisë Nr. 5 parandalohet një ngjarje e rëndë kriminale.
Në pranga një 61-vjeçar, i cili kërcënoi për shkak të detyrës punonjësit e Bashkisë Kamëz.
Sekuestrohet në cilësinë e provës materiale një armë zjarri pushkë dhe fishekë luftarakë.
Shërbimet e Komisariatit Nr. 5 arrestuan në kuadër të operacionit policor të koduar “Valiasi”, shtetasin:
- S., 61 vjeç, banues në Valias i ri, në Kamëz.
Ky shtetas është konfliktuar për shkak të detyrës me punonjësit e Bashkisë Kamëz, të cilët po kryenin punime në një tokë në kufi me tokën e shtetasit R. S. dhe gjatë momentit që ky shtetas po futej në banesë i ka kërcënuar me fjalë për jetën punonjësit e Bashkisë Kamëz.
Me marrjen dijeni për rastin, në vendngjarje kanë mbërritur menjëherë dy shërbime të patrullës dhe specialistë për parandalimin dhe hetimin e krimit, të cilët kanë parandaluar përshkallëzimin e konfliktit dhe gjatë kontrollit të banesës dhe ambienteve në pronësi të këtij shtetasi, Policia gjeti një armë zjarri pushkë dhe fishekë luftarakë, të cilat u sekuestruan në cilësinë e provës materiale.
Në përfundim të veprimeve të para hetimore u bë arrestimi në flagrancë i shtetasit R. S., për veprën penale “Mbajtja pa leje e armëve luftarake dhe e municionit”.
