Një 23 vjeçar me origjinë shqiptare ka përfunduar në prangat e policisë italiane, pasi dyshohet si një nga katër autorët e grabitjes së 12 gushtit në institutin “La Vigile”, ku u morën 400 mijë euro plaçka.
Pas arrestimit të tre grabitësve të tjerë, hetimet u përqendruan te një i katërt që ishte kapur nga kamerat e rrugës “Pietra Ligure” dhe “Loano”.
Detajet e tjera që dolën nga hetimet duke u bazuar edhe tek përgjimet telefonike dhe mjedisore, policia e koordinuar nga Prokurori Publik i Savona, bëri të mundur identifikimin e shqiptarit, i cili ishte ndjekur për një kohë të gjatë. Këtë mëngjes një ekip policësh, ndaluan të riut, i cili u strehua në Sestri Ponente, duke e arrestuar.
Në të njëjtën kohë, karabinierët aktivizuan gjithashtu hetime specifike që kishin për qëllim rikuperimin e sendeve të vjedhura, veçanërisht përmes një ekzaminimi të përpiktë të gjurmëve GPS të marra gjatë hetimeve.
Gjatë gërmimeve në afërsi të shtëpisë së tij, u shfaq një pako celofani e zezë që përmbante disa pako kartëmonedhash në emërtime 50 dhe 1000 euro me një shumë totale prej 120,000
I arrestuari u dërgua në burgun e Xhenova Marassi dhe u vu në dispozicion të autoritetit gjyqësor.
