“As unë dhe as financieri nuk e njohim Nik Muzin”/ Lobimi rus, flet Ristani: Kjo histori nuk do përfundojë me kaq

Ish-sekretari i përgjithshëm i PD-së, Arben Ristani shprehet se ai dhe as financieri i PD Ilir Dervishi nuk e njohin shtetasin Nik Muzin, i cili ka deklaruar para drejtësisë amerikane se ka marrë 625 mijë dollarë për lobim në favor të Partisë Demokratike.

Duke folur për vendimin e sotëm të Prokurorisë për mbylljen e hetimeve për Bashën dhe PD, Ristani ka thënë se pasi Organi i Akuzës hetoi për rastin, provoi se akuzat nuk qëndronin. “Unë nuk e njoh Muzin, as kam folur dhe as kam bërë ndonjë telefonatë me të. Po ashtu dhe financieri. Mbasi Prokuroria hetoi, provoi se akuzat nuk qëndrojnë”, tha Ristani.

“Ka dhe një çudi në këtë mes. Prokuroria kërkoi zgjatje të afatit prej 15 ditësh. Arsyeja ishte se kishte kërkuar të merrte dëshiminë e Muzinit, ndërkohë erdhi përgjigja nga SHBA e cila thoshte: Na sqaroni me çfarë statusi do ta pyesni Muzinin. Sepse nëse është në bazë të dëshmitarit, në bazë të amendamentit 5 të Kushtetutës ai refuzon të përgjigjet. Dhe këta nuk pyetën Muzin po mbyllën fare çështjen”, tha më tej Arben Ristani.

LEXO EDHE  Priten reshje intensive në këto qarqe, si parashikohet moti për orët në vazhdim

Ish-sekretari i PD theksoi në emisionin “Java” në RTSH se do t’i shkoi deri në fund kësaj çështjeje për të mbrojtur veten.

“Kjo histori nuk do pëfundojë me kaq se unë do ndjek rrugën ligjore për tu mbrojtur vet por dhe për të dënuar këta shkelës të ligjit. Unë sot kam marrë të gjithë dosjen dhe e kam parë”, tha Arben Ristani.