Kryeministri Edi Rama ka reaguar ndaj ftesës për intervistim që Gjykata Speciale në Hagë i ka drejtuar kreut të PDK-së në Kosovë, Kadri Veseli.
Në një postim në rrjet, Rama solidarizohet me Veselin, ndërsa shkruan se të intervistuarve nuk u mbetet gjë tjetër veçse e drejta për të treguar të vërtetën për të drejtën e fituar me luftë.
“Sado e padrejtë ftesa për në Gjykatën Speciale për luftëtarët e UÇK, nuk mbetet tjetër veçse e drejta për të treguar të vërtetën për të drejtën e fituar me luftë nga një popull, që pa Ushtrinë Çlirimtare do të ishte ende i mohuar në të drejtën e tij! Solidarë me Kadri Veselin”, shkruan Rama.
