Tre persona janë arrestuar në lidhje me grabitjen e ndodhur pak ditë më parë në postën e Krujës, ku u vodhën rreth 120 milionë lekë. Burime nga policia bënë me dije se pas arrestimit të rojës private, u vunë në pranga dhe 3 persona: Andi Poturi, Gazmir Saka dhe A.Caka. Andi Paturi është i kërkuar në Greqi për grabitje.
Ky grup dyshohet se është autor i disa grabitjeve në qarqet Durrës dhe Tiranë.
Më herët, Policia ka vënë në pranga rojën private, i cili akuzohet për veprat penale “Moskallzim krimi” dhe “Shpërdorim detyre”.
Kreu i Postës Shqiptare, Laert Duraj ka bërë fajtor kompaninë e sigurisë për mos-reagim në kohë, në rastin e grabitjes së kasafortës me rreth 120 milionë lekë të vjetra mëngjesin e kësaj të Hëne, te posta e Krujës. Në një deklaratë për gazetarët, Laert Duraj tha se kompnia e sigurisë nuk ka vepruar në kohë, duke sjellë largimin e autorëve pas grabitjes së njërës kasafortë, ku ndodheshin paratë.
