Ish-Presidenti Bujar Nishani, nga studio e emisionit “360gradë”, ka shtruar pyetjen se si a mundësi që Kryeministri Edi Rama nuk ka bërë kallzimin penal ndaj prokurorit Arjan Ndoj, kur kishte informacione që është i lidhur me grupet kriminale.
Nishani tha se Kryeministrit dhe Presidentit i shkon çdo lloj informacioni për individë me profil të tillë në administratën publike siç mund të jetë një prokuror apo gjyqtar dhe që mund të jetë i lidhur me krimin.
“Kryeministri i vendit e ka poseduar informacionin që ky prokuror është i inkriminuar dhe është në funksion të krimit. Si ka mundësi që një kryeministër, mua si një qytetar i thjeshtë, më bën përshtypje të madhe, se si kryeministri i vendit ka informacion dhe mekanizmat në xhep për ta zgjidhur, e di që ky prokuror është i lidhur me krimin dhe i shërben krimit dhe mund ti ndodhi ajo që i ndodhi dhe nuk ka bërë një kallëzim penal ndaj këtij prokurori.
Nuk po them hetime, arrestime e përndjekje të tij, por një kallëzim Prokurores së Përgjithshme. Kryeministri disponon 1-2-3-4-5 informacione dhe besoj se disponon informacion. Se kryeministrit dhe Presidentit të Republikës i shkon cdo lloj informacioni për individë me profil të tillë në administratën publike sic mund të jetë një prokuror apo gjyqtar dhe që mund të jetë i lidhur me krimin”, tha Nishani.
