“Kjo ka ndodhur për shkak të Arjanit Prokuror”.
Këtë shpjegim ka si arsye për atentatin e datës 1 nëntor prokurori Arjan Ndoji, i cili teksa ndodhet ende në spitalin e Durrësit, i plagosur në ngjarjen e rëndë, ka folur për News 24, duke u shprehur:
“Ja kam lënë në dorë drejtësisë të zbardhë ngjarjen. Do të flas në një moment tjetër. Nuk i trembem dhe nuk i kam borxh askujt. Mediat kanë trilluar shumë histori ndaj meje. Kam investuar 20 vite në punën time. Më njohin të gjithë qytetarët e Durrësit në këto 20 vite”.
Deri më tani për atentatin ndaj prokurorit Ndoja, dhe dy personave të tjerë që ndodheshin në makinë me të, është arrestuar Redjan Rraja. Ky i fundit pritet të dalë sot para Gjykatës së Krimeve të Rënda për t’u njohur me mesën e sigurisë, ndërsa prokuroria ka kërkuar arrestin me burg.
