Pas shkarkimit të Niko Kovac nga pankina e Bayern Munich dhe në pritje për të gjetur pasuesin e kroatit, ndeshja e sotme ndaj Olympiacos, tepër e rëndësishme për fatin e grupit në Champions League, do të drejtohet nga Hans-Dieter Flick, ndihmës trajneri i Kovac, por risia ka të bëjë edhe me afrimin në pankinë të një figure me peshë, kampion Bote me Gjermaninë dhe ish-sulmues i Bayern Munich, Miroslav Klose.
Ish-bomberi gjerman, që aktualisht drejton U-17 e Bayern, merr këtë detyrë të re në pritje të zhvillimeve dhe sonte ulet në stol.
