Kreu i opozitës Lulzim Basha, gjatë takimit me të rinjtë nga Shkodra, deklaroi edhe njëherë se qëllimi i tij i hyrjes në politikë është sjellja e ndryshimit dhe largimi i së keqes.
Ai theksoi se modeli i qeverisjes me kriminelë është kundër parimeve të tij, dhe kjo është një nga arsyet që ai sot e çdo ditë po lufton me të keqen në qeveri.
‘Ajo që më ka motivuar për të hyrë në politik, është padrejtësia që shikoja në vend. Lufta ndaj padrejtësisë, është lajtmotivi im. Fundi i padrejtësisë, gjëja më e rëndësishme. Modeli i qeverisjes me kriminelë është modeli që duhet të rrëzojmë dhe të ndërtojmë një model normal europian. Jam i vendosur të vazhdoj deri në fund luftën ndaj padrejtësisë që ka qenë lajtmotivi i futjes time në politikë’, u shpreh Basha.
