Bashkëshortja e imamit të njohur Elvis Naçi ka ndarë për herë të parë historinë e tyre të dashurisë dhe zanafillat e saj. E ftuar në studion e emisionit “Ftesë në Pesë”, Fatma u rikthye pas në kohë, 17 vite më parë.
“Elvisi ishte djali i parë që takoja dhe kisha emocione pafund. Isha e shoqëruar nga motra ime. Sigurisht, edhe mamin e kam pasur shoqen time më të mirë. Vazhdoj ta kem dhe tani shoqen më të ngushtë. Pasi i mora leje asaj dhe ia shpjegova situatën, kur u takuam, Elvi u kërkoi shoqëruesve tanë që të kalonin në tavolinë më vete. Unë gjatë gjithë kohës isha me sytë ulur dhe vetëm ai fliste, siç e karakterizon edhe sot…”-tregoi Fatma, duke shtuar se takimi i tyre i parë ishte bërë më serioz seç ajo e priste, kur Elvisi kishte nisur të fliste për një libër të lexuar së fundmi.
Sot, nënë e tre fëmijëve, Fatma tha se ndjehet e lumtur dhe krenare për familjen e saj.
