Tërmeti i shtatorit duket se ka “shkundur” edhe qeverinë, e cila ka ndërmarë masa të reja ligjore me qëllim parandalimin e pasojave në rast të një situate të ngjashme.
Ligjit për Kontrollin dhe Disiplinimin e Punimeve në Ndërtim po i bëhen disa ndyshime të cilat në thelb synojnë që të kryhet një kontroll i imtësishëm për të gjitha objektet qe kanë më shumë se 50 vite që janë ndërtuar.
Sipas relacionit të projektligjit, qëllimi është për të parë qëndrushmërine e tyre si dhe sigurinë në përdorim.
Grupi teknik që do të bëjë auditimin do të jetë nga Instituti i Ndërtimit si dhe përfaqësues të njësisë vendore, të cilët do të dalin në konkluzione nëse godina duhet apo s’duhet të jetë për banim.
Nga ana tjetër është parashikuar që për cdo objekt publik që do të ndërtohet, sic janë kopshte, cerdhe, kinema, teatër, stadium apo markete, pavaresisht vlerës së ndërtimit ato do t’i nënshtrohen një openence teknike nga insitucione publike.
Këto masa vijnë në një kohë kur tërmeti i shtatorit që goditi vendin, la pas dëme të konsiderueshme për shumë banesa. Më pas qeveria hartoi edhe një plan finaciar për dëmshpërblimin e qytetarëve.
Lukundjet e tërmetit nxorën në pah se një sërë godinash të vjetra për banim nuk ofrojnë sigurinë e duhur për jetën e qytetarëve. /Vizion +/
