Të paktën 36 shtetas shqiptarë janë riatdhesuar nga Franca dhe Belgjika.
Burime zyrtare nga Policia e Shtetit bëjnë të ditur se të riatdhesuarit kishin kërkuar azil apo kanë shkelur rregullat e qëndrimit në hapësirën Schengen
Operacioni ishte organizuar nga Franca në bashkëpunim me Frontex-in, dhe me mbështetjen e eskortës së Policisë Kufitare shqiptare
“Gjatë këtij operacioni janë riatdhesuar 36 shtetas shqiptarë, të cilët kishin shkelur rregullat e qëndrimit në vendet e BE-së, apo u është refuzuar dhënia e azilit, nga këta: 31 nga Franca dhe 5 nga Belgjika.
Operacionet e riatdhesimit do të vijojnë edhe në javët e ardhshme.
Ndërkohë Policia Kufitare ka forcuar kontrollet në pikat e kalimit kufitar, në drejtim të verifikimit të dokumentacionit dhe plotësimit të kushteve për të udhëtuar në vendet e BE-së, si dhe ka shtuar patrullat në kufirin jeshil për të parandaluar kalimin e paligjshëm të kufirit”, thuhet në një njoftim zyrtar të policisë.
