Barcelona nuk po zhvillon një sezon të mirë deri më tani, por ata mbeten në krye të La Ligës, edhe pse me pikë të barabarta me Realin e Madridit.
Pas humbjes befasuese të Barcelonës ndaj Levantes me rezultatin 3-1, më herët gjatë ditës së shtunë, një fitore do të kapërcente Realin e Madridit ,mbrëmjen e djeshme në krye të tabelës, por skuadra e Zidane u ndal në shtëpi nga ana e Real Betis me një barazim pa gola.
Një histori e përsëritur shumë herë këtë sezon, ku pavarësisht rasteve të shumta dhe lojës krijuese, “Los Blancos”, nuk arritën të konkretizojnë me gol.
Zinedine Zidane, ngeli i zhgënjyer nga paaftësia e skuadrës për të kthyer rastet në gola, duke deklaruar për “Marca”:
“Ritmi ynë, intensiteti dhe loja në përgjithësi ishin ideale, por duhet thjesht të shtynim topin në rrjetë, dhe kjo gjë është shumë frustruese”.
Nga ana tjetër probleme ka dhe Atletico Madrid, e cila ka fituar vetëm një ndeshje në pesë të fundit, pas barazimit në transfertë ndaj Sevillas.
Tabela e kryesimit kryesohet nga Barcelona dhe Reali i Madridit në kuotën e 22 pikëve të ndjekur nga Atletico Madrid dhe Sevilla me nga 21 pikë.
