Ndeshja e zhvilluar ditën e djeshme kundër Aston Villa-s, tregoi për forcën mentale të skuadrës së Liverpool.
Aston Villa mori kryesimin e ndeshjes në minutën e 21-të, të ndeshjes me anë të Trezeguet, një gol që u kontrollua nga VAR, për pozicion jashtë loje të dyshimtë, por që u hodh poshtë nga pamjet e përsëritura.
Pa kaluar gjatë, sistemi VAR, anuloi një gol të Roberto Firminho që do të sillte dhe barazimin e ndeshjes.
U duk se nuk ishte dita e duhur për “të kuqtë”, po në minutën e 87-të, Andrew Robertson shfrytëzoi një kros të Mane, duke barazuar rezultatin e ndeshjes, ndërsa në minutën e katërt shtesë, Mane, ngriti në këmbë tifozerinë e Liverpool, duke shënuar golin e fitores.
Në ndeshjet e tjera, vihet re fitorja e Manchester City ndaj Southhampton, edhe kjo një fitore me përmbysje rezultati nga ana e djemve të Pep Guardiolës, me rezultatin 2-1. Ndërkohë vazhdon ecuria mjaft pozitive e Chelsea nën drejtimin e Frank Lampard, e cila regjistroi fitoren e pestë radhazi në transfertë ndaj Watford me rezultatin 1-2. Ndërsa Manchester United po kalon një sezon mjaft të dobët, e cila humbi në transfertë ndaj Bournemouth, me rezultatin 1-0, dhe duke mbetur në kuotën e 13 pikëve, në 11 ndeshje të zhvilluara.
Tabelën e “Premier League”, pas 11 ndeshjes e kryeson Liverpool në kuotën e 31 pikëve, e ndjekur nga Manchester City me 25 pikë, ndërsa në vendin tretë është ngjitur skuadra e Chelsea me 23 pikë të grumbulluara, ndërsa vendin e fundit që të çon nw “Champions”, e mban Leicester me 20 pikë të grumbulluara.
