Mbrojtësi i Juventusit, Giorgio Chiellini thotë që po e trajton dëmtimin e gjurit si “ si një sfidë” për të treguar se kam akoma shumë për të dhënë.
35 vjeçari ka munguar që nga ndeshja e parë e sezonit, duke i dhënë mundësi De Ligt të ambientohet më shpejt në Allianz Stadium.
Gjithsesi, Chielini është i vendosur që do të vijë akoma dhe më i fortë në fushën e lojës.
“E marr këtë dëmtim si një sfidë për të demonstruar atë çfarë më ka mbetur. Do të më pëlqente të shijoj momentet e fundit të karrierës sime në nivele të larta,”- tha ai për Juventus TV.
“Duhet ta pranoj që me të vërtetë i kam shijuar këto vitet e fundit. Ndoshta është maturia që kam fituar”.
“500 ndeshjet me Juventus, të qenit kapiten i Juventusit dhe kombëtares janë gjëra historike për të cilat jam mirënjohës”.
Veterani Italian, ka fituar gjithçka që mund të fitohet në Itali, por ai akoma po kërkon për stimuj të ri e çmime të tjera.
“Kurrë nuk mund të ngopesh së fituari, pasi të jep gjithmonë energji për të gjetur motiv të ri për një sukses tjetër.”
“Klubi akoma po evoluon. Për dikë si unë që jam këtë për një kohë kaq të gjatë, është bukur të shohësh strukturën e klubit që zhvillohet për mirë nga viti në vit.” – përfundoi ai.
