Gazetari dhe publicisti, Armand Shkullaku, ka thënë se dallimi mes Edi Ramës dhe Albin Kurtit është ardhja e tyre në pushtet.
Shkullaku thotë se Rama nuk erdhi në pushtet si një revolucionar në Shqipëri. Ai thotë madje se qytetarët në Shqipëri e kishin provuar pushtetin e Ramës i cili ishte kryetar i bashkisë për një kohë të gjatë. Shkullaku thotë po ashtu se Rama e zhgënjeu shpejt besimin e qytetarëve në Shqipëri.
“Rama shumë shpejt zhgënjeu besimin e popullit”, tha Shkullaku në emisionin Pressing në T7.
Tutje ai thotë se sistemi dypartiak në Republikën e Shqipërisë ka bërë që mediet të jenë shumë tendencioze.
“Mediet janë të kontrolluara nga çdo pushtet që vjen”
“”Ato veprojnë sipas propagandës. Sa më i madh të jetë nevoja e pushtetit për të fshehur një realitet, aq më i madh presioni ndaj medieve”
Por, Shkullaku thotë se ekziston edhe aspekti pozitiv i votuesit në Shqipëri në dallim me ata në Kosovë. Ai thotë se partitë në Shqipëri janë më mirë të dalluara për nga pikëpamjet e tyre se a i takojnë ideologjive të majta apo të djathta në krahasim me ato në Kosovë.
