Në Maqedoninë e Veriut në krye të Gjykatës Kushtetuese është zgjedhur shqiptari Sali Murati. Ai u zgjodh me 2/3 e votave të anëtarëve të Kushtetueses.
Gjykatësi Murati në krye të Kushtetueses do të vij më një nëntor të vitit 2019, kur kryetarit të deritanishëm Nikolla Ivanovski i skadon mandati.
Sipas Kushtetueses së Maqedonisë së Veriut, Gjykata Kushtetuese përbëhet nga nëntë gjyqtarë. Ata emërohen për një mandat nëntë vjeçar nga Parlamenti.
Kryetari i Gjykatës Kushtetuese zgjidhet nga anëtarët. Gjykatësit kushtetues, kryetarin e zgjedhin me 2/3 e votave nga numri i përgjithshëm i gjykatësve, me votim të fshehtë dhe ka mandat tre vjeçar pa të drejtë rizgjedhjeje.
Secili gjykatës mund të propozoj kandidat për kryetar. Propozimin e vërteton Komisioni prej 3 gjykatësve të zgjedhur me shumicë nga numri i përgjithshëm i gjykatësve.
Sali Murati është i lindur me 11 tetor të vitit 1966 në fshatin Vrapçishtë, Gostivar.
