Pas përfundimit të mbledhjes së grupit të punës së ekspertëve të Opozitës së Bashkuar për Reformën Zgjedhore foli ish deputeti Enkelejd Alibeaj.
Ai tha se opozita është e vendosur për një Reformë Zgjedhore reale.
“Reformë zgjedhore reale për t’i dhënë shqiptarëve votën e lirë, të ndershme, e cila realisht do të duhet të bëjë ndryshimin e Shqiptarëve. Për këtë ka qenë edhe mbledhja e sotme.
Ne jemi të vendosur që reforma të diagnostikojë dhe të geëjë zgjidhjet efektive. Agjenda jonë është e orientuar prej dokumentit të Bundestagut.
Simptomat që kohë më parë i ka dhënë opozita janë në atë dokument.
Për sa kohë që për shitblerejen e votës thuhet që kryetari i Partisë dhe në këtë rast kryeministri të deklaroi se nuk do të vjedh më vota, ky është test.
Ai që shkakton blerjen e votës duhet të ndëshkohet.
Kjo është zgjidhja logjike, racionale proporcionale si zgjidhja e fundit.
Puna e grupit të punës do të vazhdojë në mënyrë intensive edhe për çështje të tjera”.
