Policia e Fierit arrestoi një 55-vjeëar me akuzën e shpërndarjes së drogës në këtë qytet. Policia i sekuestroi 55-vjeçarit 5 doza me kokainë.
“Specialistët e Seksionit për Hetimin e Narkotikëve në Drejtorinë Vendore të Policisë Fier arrestuan në flagrancë shtetasin:
•G.M, 55 vjeç, banues në Levan, Fier.
Në bazë të informacioneve të siguruara në rrugë operative, nga kontrolli i ushtruar në automjetin tip “Ford” që drejtohej nga shtetasi G.M, u gjet një pako si ajo e ilaçeve ku brenda së cilës kishte pesë paketime në formë dozash me lëndë narkotike të dyshuar Kokainë, e cila u sekuestrua në cilësinë e provës materiale.
Materialet i kaluan Prokurorisë pranë Gjykatës së Shkallës së Parë Fier për veprën penale “Prodhimi dhe shitja e narkotikëve””, thuhet në njoftimin e policisë.
