Shqipdon Aliu, 24-vjeçari nga komuna e Lipjanit, ka ndërruar jetë në rrethana të paqarta. Ajo që dihet deri më tani është se ai pak para se të vdiste kishte lënë pas një video-incizim në telefon. Kështu deklaron kreu i Lipjanit, Imri Ameti.
Ai, i ftuar në Pressing të T7, ka folur edhe për vdekjen e 24-vjeçarit, Shqipdon Aliut, trupi i të cilit u gjet pranë një gurthyesi në Gadime të Lipjanit.
“Ai ka lënë një video në telefon për arsye të aktit që ka bërë, më tutje nuk dimë diçka por bëhet fjalë për një akt të kryer”, është shprehur Ahmeti.
Ahmeti tha se kjo qe ka ndodhur është fatkeqësi dhe se ndan dhimbjen me familjen e të ndjerit.
“Kjo çka ka ndodhur është një fatkeqësi. Ne ndajmë dhimbjen me familjen e të ndjerit dhe qytetarët e Gadimes nga Lipjani”, ka thënë Ahemti në Pressing.
Qe Shqipdoni ka lënë mesazhe në telefon ka raportuar edhe T7. Gjatë kontrollit që iu bë telefonit, personi që gjeti trupin kishte lexuar disa porosi që i ndjeri kishte lënë para vdekjes.
Po ashtu mesazhi tjetër që kishte lënë Shqipdoni ishte një porosi për familjen e tij, por nuk dihen detaje.
