Senati amerikan parashikon dy seanca dëgjimore. Sot do dëgjojë ekspertët e Ballkanit dhe zyrtarin e DASH, Matthew Palmer. Javën tjetër pritet të dalë përpara Senatit Yuri Kim, e propozuar për ambasadore të SHBA në Tiranë.
Shtetet e Bashkuara të Amerikës duket se po e rikthejnë vëmendjen në rajonin tonë. Një ditë më parë një zyrtar i lartë i DASH vizitoi Tiranën, në kohën kur duket se reforma në drejtësi nuk po ecën siç duhet.
Ndërkohë të mërkurën u mësua se Yuri Kim, e propozuara nga Presidenti amerikan Donald Trump për postin e ambasadores së Shteteve të Bashkuara në Shqipëri, do të dalë në një seancë dëgjimore para Senatit amerikan më 29 tetor, para votimit për miratimin e kandidaturës së saj për këtë pozicion.
