Biznesmeni i njohur Elton Ilirjani, i cili prej kohësh ka pranuar publikisht prirjen e tij seksuale ndaj meshkujve, ka reaguar sërish me një postim në rrjetet sociale, në të cili flet sërish për deputetin Kujtim Gjuzi. Ky i fundit, ka shkruar një koment në Instagram dhe një screenshot të deklaratës së tij e ka bere publike tani Ilirjani.
Deputeti Kujtim Gjuzi i përgjigjet nje komentuesi: “Ishalla e varin kuksianët”, pasi komentuesi i kishte thene: “po ta bësh xheloz me këto sjellje”.
Biznesmeni e shoqëron fotografinë me përshkrimin:
“Ky është deputet në Parlamentin e Republikës së Shqipërisë! Thirrje për vrasje dhe thirrje urrejtje! Ku është policia, prokuroria, shteti, shefi i opozitës, organizatat LGBT, aktivistët? Turp dhe mjerë!”.
Biznesmeni Elton Ilirjani dhe kreu i Partisë Konservatore, Kujtim Gjuzi, u vunë në qendër të vëmendjes disa netë më parë kur gjatë transmetimit live të emisionit ‘360 gradë’ të Artur Zhejit, ata shkëmbyen deklarata të forta mes tyre.
Gjithçka pasi biznesmeni kontravers Ilirjani, vendosi buzëkuq ngjyrë rozë. Një ditë më vonë, biznesmeni bëri një postim në rrjetin social Instagram, ku bënte ironi edhe me situatën e krijuar pas ngjarjes së rëndë në banesën e 30 vjecares Marsida Qatja, krim që thuhet se ndodhi për xhelozi.
