Një 40 vjeçar me origjinë shqiptare ka rënë në pranga të policisë, pasi rrahu me shkop byreku gruan e tij. Ngjarja ndodhi brenda pak minutash dhe ulërimat u ndjenë në rrugët e qendrës në Rimini. 35-vjeçarja viktimë e burrit torturues u shpëtua nga policia.
Ngjarja ndodhi në orët e para të mëngjesit, kur u mor një njoftim nga një fqinj i çiftit, i cili në gjendje alarmi të qartë, i kërkoi policisë që të ndërhynte shpejt në Rrugën “Severino Ferrari”. Gruaja u përgjërua për ndihmë, ndërsa binte poshtë shkallëve të godinës me fytyrën e mbuluar me gjak.
Pasi shkuan në vendngjarje, agjentët menjëherë identifikuan një apartament me derë të hapur dhe një grua me çarje të thella në fytyrë, këmbë dhe krahë të zhveshur në anën e rrugës. Kështu, ndërsa disa banorë po ndihmonin gruan, u thirr edhe emergjenca, ndërsa bastisi shtëpinë. Në tryezë në kuzhinë, u gjet një shkop byreku me gjurmë të qarta gjaku. Në atë pikë, nuk kishte më dyshime.
Ndërsa 35-vjeçarja dhe dy fëmijët e saj të vegjël u morën nga policia. Forcat e rendit u vunë nën lëvizje për të kapur autorin e ngjarjes, jo shumë larg ndërtesës dhe në gjendje të dukshme të dehur.
I ndaluar menjëherë dhe i prangosur, shqiptari u dërgua në burg për kontrollet rituale. Menjëherë pas verifikimeve, magjistrati hetimor i dha një urdhër paraburgimi atij për krimet e lëndimeve të rënda dhe keqtrajtimit, shkruan “Ilgiornale”.
Në momentin e arrestimit, viktima u transportua në spitalin e afërt për trajtim. Lëndimet e shkaktuara në trupin e gruas 35-vjeçare dukej se ishin të një rëndësie të tillë me një prognozë 60 ditore.
