Partia Demokratike nuk do të marrë pjesë në mbledhjen e rradhës së Komisionit për reformën Zgjedhore, e cila do të mbahet të enjten.
Burime zyrtare bëjnë të ditur se opozita nuk do të jetë e praishme në Komision, ndërkohë që ajo ka dorëzuar platformën e saj lidhur me realizimin e reformës dhe zgjidhjen e krizës.
Në anën tjetër, mazhoranca dhe ajo që konsiderohet si “opozita e re” vijojnë punën, ndërsa pritet që në mbledhjen e rradhës të konstituohen grupet e punës.
Në rendin e ditës së mbledhjes së Komisionit parashikohet:
1. Konstituimi dhe raportimi I grupeve të punës;
2. Prezantimi i paketës së parë që adreson rekomandimet e ODIHRit për fushatën zgjedhore, kuotat gjinore, financimin e fushatës, regjistrimin e subjekteve dhe abuzimin e administrës.
Gjithashtu, me porosi të bashkëkryetarëve grupet e punës të takohen të mërkurën për të diskutuar.
Grupet e punës si vijon:
Sistemi zgjedhor:
Damian Gjiknuri & Bashkim Fino
Myslim Murrizi & Nimet Musaj
Financimi i partive politike:
Blerina Gjylameti & Klotilda Ferhati
Arben Elezi & Ralf Gjoni
Emigrantët:
Alket Hyseni & Adnor Shameti
Korab Lita & Adriatik Alimadhi
