Nënkryeministri Erion Braçe ka reaguar lidhur me rastin e Alvinit, 11-vjeçarit, që ka mbetur i vetëm në një kamp në zonën e luftës në Siri.
Pas dokumentarit të transmetuar nga media italian për Alvinin, më pak i prekur, rrjeti ka shpërthyer në komente, por duket se nënkryeministri i Ramës, Erion Braçe, i është kundërvënë qytetarëve që shprehin rezervat e tyre ndaj neglizhencës së treguar nga shteti.
Në një koment në instagram, Braçe akuzon një prej qytetarëve se po “pështyn” mbi këtë cështje, dhe se shumica e shqiptarëve e kanë të vështirë që të mendojnë.
“Po shko çliroje ti meqë je më trimi nga të gjithë! Merr me vete dhe ata që e çuan në Siri se vetë nuk shkoi apo jo? Madje merr dhe ndonjë italian me vete se nga Bergamo ka ikur, jo nga ky vend”, shprehet Braçe, duke fajësuar në këtë mënyrë shtetin Italian, që pavarësisht se nuk ka asnjë lloj përgjegjësie të paktën ligjore, u janë ofruar për ndihmë gazetarëve të Le Iene dhe babait të Alvinit.
“Po si ka mundësi që e keni kollaj të pështyni dhe tmerr të vështirë të mendoni? Po si ka mundësi që këto rrjetet sociale ia kanë bërë akoma më të vështirë që të mendoni dhe fare të lehtë që të pështyni”, shkruan Braçe.
Qeveria shqiptare ende nuk ka ndodnjë plan se si mund të riatdhesojë fëmijët apo shtetasit shqiptarë që ndodhen në Siri.
