Elton Maçolli, vëllai i deputetes së PS, Blerina Gjylameti, humbi jetën si pasojë e një aksidenti rrugor. Maçolli me gradën nënoficer, ishte rreshter në Farkë, kur punonte si vinçier bordi helikopteri në bazën ajrore.
Ai udhëtonte në makinën e tij tip “Seat” kur u përplas sipas policisë me një kamion brenda tunelit të autostradës Tiranë-Elbasan, pasi kishte humbur kontrollin.
Në një video publikuar nga Report Tv, shihen momentet kur i riu është aksidentuar dhe më pas makina e tij mori flakë duke u shkrumbuar tërësisht. Mësohet se Macolli ishte duke ecur më shpejtësi tej normave të lejuara në tunel.
“Mbrëmjen e djeshme brenda tunelit të autostradës Elbasan-Tiranë, shtetasi E.M., 37 vjeç, banues në Tiranë, duke drejtuar mjetin tip “Seat”, me drejtim lëvizje Tiranë- Elbasan, ka humbur kontrollin mbi mjet dhe është përplasur me një kamion me drejtues shtetasin D Sh., 33 vjeç, banues në Elbasan. Si pasojë ka ndërruar jetë drejtuesi i mjetit shtetasi E.M”, sqaroi policia e Elbasanit pak pas aksidentit.
