Mbrojtësi i Tiranës, Kristi Vangjeli i cili iu bashkua klubit në merkaton e verës, pas aventurës së tij të shkurtër në kampionatin australian, nëpërmjet një lidhje të drejtpërsëdrejti në emisionin “Zona Gol”, foli për transferimin e tij tek bardheblutë dhe tregoi për gjendjen e skuadrës.
“Doja një eksperiencë tjetër në një kampionat që nuk e njihnim. Është një futboll ndryshe nga ai në Evropë. Shkova në sezonin e dytë , por vendosa të rikthehesha tek Tirana. Prioritet e mia kanë qenë të mëdha , kudo ku kam luajtur. Atë dua edhe te Tirana, të fitoj trofe.”
Ndërkohë ai ka folur edhe për hapat fals që Tirana ka bërë kohët e fundit, duke thënë:
“ Gjatë këtyre javëve, kemi humbur me Partizanin dhe Kukësin, por sidomos ai barazim me Flamurtarin na ka djegur më shumë. Pikët me ekipet e vogla, si Flamurtari, që kishte probleme, do të na nevojiteshin më shumë në fund. Ai barazim në ka lënë pak pasoja, sepse duhet ta kishim mbyllur më parë ndeshjen.”
Gjithashtu mbrojtësi Korçar, nuk ngurroi të evidentonte edhe 3 ekipet, përveç Tiranës, që do të luftojnë për titullin kampion.
“Partizani, Kukësi dhe Teuta janë ndërtuar për të qenë protagonistë deri në fund. Bashkë me Tiranën do të jenë ekipet që do të luftojnë për titullin.”
