Enea Jorgji bashkë me asistentët e tij, vazhdojnë të afirmohen akoma më shumë në arenën ndërkombëtare.
UEFA u ka besuar gjyqtarëve shqiptarë, sfidën e fazës së grupeve të Europa League mes holandezëve të AZ Alkmaar dhe kazakëve të Astanas.
Kjo ndeshje do të jetë i vlefshëm për grupin L, ku bëjnë pjesë edhe Manchester United e Partizani i Beogradit. Enea Jorgji, do të jetë gjyqtari kryesor që do të vendosë drejtësi në këtë sfidë ndërkohë që ndihmësit e tij do të jenë, Rejdi Avdo dhe Ridiger Çokaj, ndërsa gjyqtar i katërt do të jetë Kridens Meta. Për Jorgjin dhe kolegët e tij shqiptarë, kjo është hera e parë që gjykojnë një ndeshje në fazën e grupeve të një kompeticioni madhor si Europa League.
