Kryetari i Partisë Demokratike Lulzim Basha, pritet të takohet pasditen e sotme me drejtues të partive opozitare. Takimi do të zhvillohet në selinë e PD-së në orën 17:00.
Burime nga opozita bëjnë të ditur se në këtë takim pritet të përcaktohet strategjia e opozitës me një kalendar të qartë edhe për protestat.
Mësohet se disa nga drejtuesit e partive opozitare kanë kërkuar nisjen e protesave popullore, pas dështimit të qeverisë në hapjen e negociatave.
Po kështu pritet përcaktimi i strategjisë që do të ndjekë opozita në raport me ndërkombëtarët, por edhe lidhur me reformën zgjedhore.
