Përditësuar/ Gjykata e Vlorës ka vendosur masën e sigurisë arrest me burg për Tesi Bashon, me qëllim ekstradimin në Itali.
Tesi Basho është në kërkim nga autoritet italiane, pas arratisjes së bujshme nga burgu i Rebias në Vlorë në vitin 2016, ku vuante dënimin me burg përjetë.
Forca të shumta policie kanë blinduar Gjykatën e Vlorës në seancën e sotme.
***
“Kanosja 100.000 euro”/ Mbetet në qeli vëllai i Tesi Bashos
Gjykata e Krimeve të Rënda ka lënë në qeli Satilno Bashon. Ai bashkë me të vëllain Tesi Basho, akuzohen për veprën penale “Shtrëngimi me anë të kanosjes ose dhunës për dhënie pasurie”.
Gjykata pranoi këtë të diel kërkesën e prokurorisë, duke dhënë masën e sigurisë. Ndërkohë, siç shpjegoi avokati i të pandehurit Skënder Demiraj në një deklaratë për mediat jashtë ambienteve të gjykatës, Basho mbajti një qëndrim mohuar ndaj akuzave.
Të dy vëllezërit dyshohet se në janar të vitit 2017, nëpërmjet dhunës, kanë kërcënuar për dhënie pasurie rreth 100.000 euro një shtetas.
“Familjarët deklarojnë se bëhet fjalë për një konflikt civil”, tha avokati.
Gjithashtu, këta shtetas dyshohen edhe për kryerje të veprave të tjera penale në fushën e krimeve ndaj personit dhe të kultivimit dhe trafikimit të lëndëve narkotike. Megjithatë, deri më tani nuk ka një akuzë konkrete të ngritur nga prokuroria.
Të dy u arrestuan në një aksion të policisë së Vlorës, disa ditë më parë.
