Kryeministri Edi Rama ka zgjedhur ditën që morri një “JO” nga Këshilli Europian për hapjen e negociatave me BE-në për t’iu drejtuar me një propozim Albin Kurtit, fituesit të zgjedhjeve në Kosovë dhe kandidatit për Kryeministër.
Rama është shprehur se do të takohen së shpejti me Kurtin, ndërsa theksoi se ka edhe disa propozime të reja. Kryeministri theksoi se një nga propozimet që do i bëj kryeministri të ardhshëm të Kosovës është krijimi në të dy shtetet të Ministrive për Bashkëpunimin.
“Të krijohet një Ministri Shteti për Bashkëpunimin me Kosovën dhe atje një Ministri Shteti për Bashkëpunimin me Shqipërinë, të cilat do të ndjekin marrëveshjet dhe çfarë duhet bërë më tutje”, tha Rama.
Duke iu referuar qeverisë së Ramush Haradinajt, Rama tha “mendoj se duhet të shkojmë përtej marrëveshjeve të bëra dhe të mbushim boshllëqet që u krijuan nga Qeveria e kaluar”
