Kuvendi miratoi këtë të enjte projektligjet në rendin e ditës, mes tyre edhe projektligjin “Për Korporatën e Investimeve Shqiptare”. Me 77 vota pro është miratuar projektligji i Korporatës së Investimeve Shqiptare. Kjo nismë ka marrë vetëm 19 vota kundër të deputetëve të pakicës në Kuvend, ndërkohë që 3 prej tyre kanë votuar abstenim.
Në Kuvend pati debate lidhur me projektligjin si dhe një përplasje mes ministrit të Shtetit për Mbrojtjen e Sipërmarrjes, Eduard Shalsi dhe deputetit Ralf Gjoni. Gjoni e cilësoi projektligjin “një masakër kushtetuese që mban era korrupsion dhe grabitje”.
Të njëjtat akuza janë bërë dhe nga opozita për Korporatën e Investimeve Shqiptare që parashikon të marrë në pronësi për të menaxhuar dhe për t’i përdorur për investime, të gjitha pronat shtetërore dhe publike të vendit.
Në një deklaratë të bërë më herët, ish-deputetja e PD-së Jorida Tabaku, e ka cilësuar projektligjin “aferë më gjigande se skema korruptive e 1 mld të PPP”.
Edhe ekspertë të ekonomisë kanë shprehur rezerva për projektligjin.
https://boldnews.al/2019/01/25/zbardhet-skema-si-rama-do-tu-kaloje-klienteve-pasurite-me-te-medha-te-shqiperise/
