Kryeparlamentari Gramoz Ruçi dhe kreu i grupit parlamentar të PS-së, Taulant Balla udhëtuan në Bruksel pak ditë më parë, ku kryen takime me zyrtarë të institucioneve të BE-së në kuadër të vendimit për hapjen e negociatave. Por, duket se lobimi i tyre nuk ka mjaftuar, pasi vetë kryeministri Edi Rama ka vendosur të niset drejt Brukselit ku nesër dhe pasnesër mbahet mbledhja e Këshillit të Europës. Aty, do vendoset nëse do të hapen ose jo negociatat me Shqipërinë.
Për të vendosur hapjen e negociatave, duhet një votim unanim në Këshillin e Europës. Në takimin e djeshëm të ministrave të Jashtëm të vendeve të BE-së në Luksemburg, që paraprin mbledhjen e këshillit, tre vende dolën kundër kundër hapjes së negociatave me Shqipërinë, me Francën kundërshtarin më të fortë.
Raportohet se ka ende shpresë për hapjen e negociatave me Shqipërinë, nëse Merkel pranon kushtet e Francës për reformën e Eurozonës.
Sot takimi Makron-Merkel/ Plani që mund ti kthejë mendjen Presidentit Francez për negociatat
