Politikanë Francezë kërkojnë dënimin e skuadrës Turke

Disa politikanë Francezë kanë kërkuar që ndeshja e zhvilluar mbrëmë mes Francës dhe Turqisë të anulohet.

Ky reagim vjen pasi gjestit ushtarak që futbollistët turk përsëritën mbrëmë pas përfundimit të ndeshjes.

Gjesti vjen ditë pasi Presidenti turk Erdogan nisi ofensivën për të shtyrë forcat kurde nga kufiri.

Jean – Luc Melenchon, kryetari partisë populiste të krahut të majtë francez, me anë të një postimi në Twitter shkroi:”Nëse futbollistët Turq bëjnë përshëndetjen ushtarake, ata duhet të presin që të trajtohen si ushtarët e një ushtrie armike. Kështu ne nuk luajmë futboll me ata. Kjo nuk është më sport.”

Ndërsa udhëheqja e ekstremit të djathtë francez, Marine Le Pen, postoi: “Duke qenë platformë e propagandës së Erdoganit, veprimet e të cilit në Siri shqetësojnë komunitetin ndërkombëtar, skuadra kombëtare e Turqisë ka minuar vlerat e sportit.”

“Është koha që UEFA të sanksionojë këtë ndryshim politik të federatës të futbollit turk.”

Kujtojmë që gjesti i përsëritur mbrëmë nga futbollistët turk është i njëjtë me atë pas përfundimit të ndeshjes me Shqipërisë.

LEXO EDHE  “Euro 2020”/ Zgjidhen dy misteret e fundit, festojnë Uellsi dhe Gjermania