Një 49-vjeçar grek, gardian burgu, dhe një shqiptar po 49-vjeç, u arrestuan nga policia në Greqi, pas disa muajsh hetimesh, me akuzën e disa grabitjeve të kryera nën kërcënimin e armëve në zonën e Atikas.
Shqiptari, rezulton i arratisur nga burgu në Greqi, pas një lejeje 3 ditore, të cilën e kishte thyer, duke mos u paraqitur në vendin e vuajtjes së dënimit.
Gardiani dhe shqiptari akuzohen se kanë kryer 7 grabitje, ndërsa në 3 raste të tjera grabitjet ishin në tentativë.
Policia ka sekuestruar maska, uniforma policie, armë dhe municion, si dhe motorçikletat që përdoreshin nga të dyshuarit e ngjarjeve kriminale.
Policia greke bëri të ditur se grabitjet kryeheshin nën kërcënimin e armëve, ndërsa gardiani grek dhe shqiptari i arratisur nga burgu kishin sulmuar supermarkete, filiale bankash, ato të postave etj.