Mundësi reale apo utopi? Si kualifikohet Shqipëria për në Euro 2020

Humbja me Turqinë në Ankara shoi shpresën që Kombëtarja e futbollit të kualifikohet për në kampionatin europian 2020. Megjithatë ekziston një skenar që mund të çojë Kuq e Zinjtë në Euro 2020, megjithëse deri më tani duket më shumë si një utopi.

Skenari ka lidhje me kundërshtarët që Shqipëria ka para në renditjen e grupit H, për kualifikueset e kampionatit europian.

Vendin e parë dhe të dytë në grup e ndajnë Franca dhe Turqia. Zhvillimet e fundit në veri të Sirisë kanë përhapur zërat për një penalizm të Turqisë nga Euro 2020. Është hedhur ideja se nëse Turqia nuk ndërpret aksionin ushtarak kundër kurdëve në veri të Sirisë, një nga penalitetet mund të jetë përjashtimi i skuadrës së futbollit turke nga kampionati europian. Festimet e golave të skuadrës turke, me përshëndetje ushtarake, siç ndodhi edhe në ndeshjen me Shqipërinë, shihen si mbështetje e aksionit ushtarak. Zyrtarë të UEFA-s kanë paralajmëruar se Turqia mund të dënohet për të tillë sjellje të lojtarëve në fushë.

LEXO EDHE  “Daily Mail”, liston 20 talentet që do të dominojnë futbollin

Megjithatë, nëse ky skenar ndodh-Turqia përjashtohet nga Euro 2020, pas Francës, në grupin H kualifikohet skuadra që ndodhet më lart në renditje. Aktualisht, pas Turqisë dhe Francës që kanë secila 19 pikë, e dyta ndodhet Islanda me 15 pikë dhe Shqipëria me 12 pikë.

Në dy ndeshje të mbetura, Shqipëria duhet të kalojë në renditje Islandën që ndeshet me Turqinë dhe me Andorrën. Ndërsa Kombëtarja Kuq e Zi, do të përballet me Andorrën e më pas me Francën në shtëpi. Përballjet direke favorizojnë Shqipërinë në rast të një renditje me pikë të barabarta me Islandën. /BN/